شعرینی یازدیم داغلارا، یوللارا، یازدیم دوستاق اولدوغوم دیوارلارا و دؤنه دؤنه اوخودوم ...
هئچ بیر اؤدول دوغورا بیلمز امکلرینی دوستوم، یالنیز عنوانینا گوندرجهییم بیر چیچک.
آنیرام شعرلرینده آنیلان شهیدلریمیزی.
بو یازی بهانه اولسون دییه دوستلاریما سایغیلاریمی بیلدیریریم.
بوتون زحمت کش دیلداشلارا دوستلاریما صمیمی سلاملاریمی سونورام. من دوستاقدا اولدوغوم زامان منیم و دوستاقدا اولان دوستلاریمین خبرلرینی یایماقلا حضورلارینی بیلدیرمیشدیلر، اومید و دایاق اولموشلار. بورادان خزر ساحیللریندن سایغیلاریمی و مینتدارلیغیمی بیلدیریرم.
سویلهمهلییم وطن یولوندا و میللت یولوندا چکدیکلریمیز چیلهلر لذتدیر. قویماریق هر کس هر لیباس ایلن یوردوموزدا اینسانلیغی تاپدالاییب ظلم و ستم ائتسین. بو ستم ننگدیر. بیز حاقلاریمیزی ایستهمهکدن دایانمایاجاییق. گلهجک بیزیمدیر.
وطن اوغروندا زیندان زیارتلریمی فخر ایله دئییرم. بونون کیمسهیه مینتی یوخدور هر بیریمیزین بورجودور. بوتون وطن اوغوللارینیا جان ساغلیغی و شرفلی یاشام آرزولاییرام. زینداندا اولان دوستلاریمیزا آزادلیق دیلهییرم.
حورمتله: ودود اسدی - رشت ۱۶/۶/۸۷